Imago Werkswinkel Program

Vrydagaand

18:30-19:30:  Oorsig oor Imago - Die huwelik as reis

19:30-19:40: Breek

19:40-20:45: Demonstrasie van Intensionele Dialoog

20:45-21:00: Afsluiting

Saterdag

8:00-10:00: Die ontdekking van jou onbewuste prentjie van liefde (Imago)

10:00-10:15: Breek

10:00-11:00: Lesing oor die "Die huwelik as reis van die Self"

11:00-12:30: Ontdek die oorsaak van julle magstryd. 'n Groot deel hiervan kom uit kinderjare.

12:30-14:00: Invul van Imago sintese en Ete

14:00-15:00: Lesing: Die magstryd

15:00-15:15: Breek

15:15-16:00: Van "coping" tot "commitment"

16:00-17:00: Oefen van Pare Dialoog

17:00-17:35: "Holding"

17:35-18:00: Afsluiting

Sondag

8:00-10:00: Oefening van intensionele pare dialoog

10:00-11:30: Transformasie.

11:30-13:00 Gedragsverandering program

13:00-14:00 Ete

14:00-16:00 Re Romantisering

16:00-17:00 Afsluiting

17 Goeie redes waarom u die werkswinkel moet bywoon

'n Belegging vir jou self, jou maat en jou huwelik!

1. Koste effektiewe terapie @ R95 per uur per persoon
2. Gerugsteun deur internasionale navorsingspan en nasionale netwerk van terapeute
3. Leer 5 praktiese tegnieke om by die huis te gebruik
4. Kry 'n 135 bladsy handleiding saam wat al die spesifieke inligting het oor jou verhouding met antwoorde en volledig uitgewerkte prosesse om met jou verhouding te werk.
5. Effektief want dit los nie probleme op nie, maar herstel die emosionele band sodat die probleem genees
6. Spesialis in verhoudings opgelei in die nuutste tegnologie om verhoudings te herstel
7. Effektief - Werk met die wortel van die probleem
8. Onmiddellike pynverligting jy is binne 2 dae op 'n hoër bewussynsvlak vir gesonder, minder reaktiewe keuses
9. Leer kommunikasie wat die konneksie verdiep
10. Herstel passie vir die lewe en vir mekaar
11. Skep 'n onmiddelike gesonde ruimte vir jou kinders om in groot te word
12. Verstaan God se doel met jou huwelik
13. Genees die seer uit julle verlede wat julle keer om in 'n gesonde verhouding te wees.
14. Rus jou in 24 uur toe met die nuutste navorsing oor verhoudings
15. Verdiep jou verhoudings vaardighede
16. Verhoog jou verhoudings intelligensie
17. Professionele nasorg

Behou die liefde wat jy vind

Leer ken jouself in verhouding met ander: 'n Imago Werkswinkel vir individue

Het jy dit al ooit oorweeg om die netwerk van verhoudinge te gebruik om meer van jouself agter te kom? Dit wat jou na sekere mense aangetrokke laat voel sê baie van wie jy is. Dit wat jou irriteer in mense kan kosbare inligting wees om agter te kom wat is daardie "iets" in jou wat jy mis. Imago het 'n kursus vir mense wat met hulleself wil kom werk om meer bewus te leef. Ook om hulle verhouding gereedskap te verbeter en daarmee verhoudinge te verbeter. Kom reis saam met ons tot 'n gesonder, vroliker, heler en lewendiger jy. 'n Kursus met baie interessante informasie oor verhoudinge, diep heling en hope pret.

Hierdie werkswinkel is vir jou as . . .

  • jy 'n gelukkige enkellopende is en wys genoeg is om jouself te leer ken en
  • as jy oor die dinamiek van 'n intieme verhouding wil leer voordat jy in 'n vaste verhouding betrokke raak
  • jy moeg vir verhoudinge is wat nie aan jou behoeftes voldoen nie
  • jy in die begin van 'n verhouding is wat jy wil behou dit altyd wil lyk asof jy nie die regte persoon kan ontmoet nie
  • jy ander mense wil ontmoet wat dieselfde waardes as jy deel en ook daarin belangstel om 'n "bewuste verhouding" te skep.
  • jy in 'n verhouding /huwelik is en jy meer wil leer oor die onbewuste agenda wat jy in die verhouding inbring.

Pare werkswinkel

Die Imago "Getting The Love You Want" werkswinkel verskaf 'n veilige omgewing waarin jy en jou maat sonder afleidings kan fokus op jul verhouding. Dit verskaf die tyd en spasie om julle saam in staat te stel om deurbrake te maak in die manier waarop jul in verhouding met mekaar staan.

Imago Pare Werksinkel

Die Imago Pare werkswinkel strek oor drie dae op ń naweek. Kobus van der Merwe bied hierdie huweliks werkswinkel vir meer as twintig jaar aan.  Huwelikpare se terugvoer is dat die Imago werkswinkel gelykstaande is aan sewe maande se weeklikse huweliksterapie.

Die Imago "Getting the love you want" pare werkswinkel bestaan uit deeglike, nagevorsde inligting oor die werking van die huwelik, geanker in praktiese huweliksvaardighede. Hierdie praktiese huweliks gereedskap word duidelik gedemonstreer. Daar word ook genoeg tyd gegee om die huweliksinligting en gereedskap self te oefen en die inligting te integreer.

Jy gaan die wortel van jou magstryd ontdek. Julle het dalk al hard probeer om julle huwelik te verander, maar waarskynlik net met die simptome van die konflik gewerk. Dit is hoekom julle pogings vir verandering óf nie gewerk het nie, óf nie lank gehou het nie.

As jy hierdie lees, dink ek nie jy het getrou om uit te vind wat is fout met jou of jou huwelik nie. Jy het ook nie getrou om net te leer om pyn te hanteer en om te leer om julleself teen mekaar te beskerm nie. Ek dink die rede hoekom julle getrou het is om lief te hê en om liefgehê te word. Julle het getrou sodat julle voluit lewendig kan wees EN in verhouding kan wees. Hierdie huwelikswerkswinkel sal julle help om deur die realiteite van seer en spanning te werk. En ook om verby die magstryd te groei. Julle gaan ook leer hoe om mekaar bewustelik lief te hê op ń gesonde, volwasse en passievolle manier.

Pare word ook bewus van die ritme van hulle huwelik. Daar gaan altyd tye wees wat daar spanning of pyn in die huwelik is. Die kuns is om hierdie tye nie te vermy of te sien as ń mislukking nie. Maar om eerder effektief en vinnig DEUR die magstryd te werk. Die kuns om kontak te herstel wanneer doi verbreek is, is die sleutel tot n gesonde huwelik. Pare leer hoe om dit te doen. Hierdie huwelikswerkswinkel leer pare om meer tyd en energie te spandeer aan passie en konneksie, groei en eksplorasie, as aan swaarkry en oorlewing.

Wat gebeur in ń pare werkswinkel?

  • Julle gaan ń nuwe perpektief kry van mekaar en van julle huwelik. Na ń magstryd sien pare mekaar as vyande. Pare sien mekaar as ń plek waar hulle hul eie identiteit moet opgee en hulle volle lewendigheid moet prysgee terwille daarvan om in verhouding te wees. In hierdie werkswinkel gaan julle leer hoe om vennote te word in die reis om jou ware self te word en om mekaar te ondersteun om jou volle lewendigheid te herstel. Julle gaan leer hoe jou huwelik ń bron kan word vir genesing en groei.
  • Julle gaan leer om te dialoog. Pare het baie meer nodig as bloot goeie kommunikasie. Kommunikasie neem jou partykeer dieper in die magstryd in  en skep meer afstand. Julle gaan leer om te dialoog oor alles wat goed is en alles wat pyn veroorsaak, op so ń manier dat konneksie en veiligheid kan verdiep.
  • Julle gaan ook leer om te commit - ń commitment tot jou eie en jou maat se groei en volle lewendigheid. Dit sal lei tot meer passie en ń gevoel van diep liefde vir mekaar.
  • Julle gaan ook ń diep empatie ontwikkel vir mekaar se lewenstories. Julle gaan ontdek dat niemand boos en moedswillig is nie, maar dat elkeen op hulle eie manier probeer om hulleself teen verdere pyn te beskerm. Hierdie  empatie gaan ń konteks skep waar julle huwelik nou ń plek is waar pyn kan genees, eerder as om dit nog seerder te maak. Die magstryd hou aan solank as wat daar seer is. Die magstryd los op as die pyn genees.

Die ontdekkings tydens die naweek, verskaf 'n ryke basis om in opvolg terapie gefokus en effektief te werk.

Werkswinkel hoogtepunte

  • 'n Driedag intense ervaring wat ontwerp is om jou verhouding te herstel en konneksie te verdiep.
  • Privaatheid om op jou eie te werk, en hulp byderhand indien jy dit benodig.
  • Lewendige demonstrasie van Imago verhoudings prosesse.
  • Ontsnap van eksterne afleidings wat jou in staat sal stel om te fokus op die skep van jul verhoudings visie en die leer van die stappe om dit te bereik.
  • Geleentheid om te leer van ander pare se ervarings en om joune met hul te deel indien jy so verkies.
  • Lei tot verhoudings deurbrake.

'n Persoon wat die werkswinkel bygewoon het, het gesê: "dit is soos twee jaar se terapie in 2 dae". Die intense werk wat afgehandel word in 'n werkswinkel stimuleer die veranderinge wat moeilik is om te behaal in kort terapie sessies. Dit is 'n effektiewe gebruik van tyd en geld.